უხვი ნალექის გამო ცაგერში, სოფელ ლაშიჭალაში მეწყერი ჩამოწვა და ორი ავტომობილი მოიყოლა. ამის შესახებ ინფორმაციას საგანგებო სიტუაციების მართვის სამსახური ავრცელებს.
მათივე ინფორმაციით, ავტომობილში მოქალაქეები არ იმყოფებოდნენ და ადგილზე მობილიზებულმა მეხანძრე-მაშველებმა ავტომობილი მეწყრული მასისგან გაათავისუფლეს და დეტალურად დაათვალიერეს.
მათივე ცნობით, ადგილზე მობილიზებულია სპეც-ტექნიკა და მიმდინარეობს გზის გაწმენდის სამუშაოები.
როგორც საგანგებო სიტუაციების მართვის სამსახურში აღნიშნავენ, მოსახლეობას საფრთხე არ ემუქრება.
