ჭიათურაში მაღაროელი დაიღუპა. როგორც “ნეტგაზეთს”  საქართველოს პროფესიული კავშირების გაერთიანების წარმომადგენელმა, თამაზ დოლაბერიძემ უთხრა, ჭიათურის ერთ-ერთ მაღაროში მუშას ტრაქტორმა 8 დღის წინ გადაუარა.

მისივე ინფორმაციით, მუშა 4 დღე საავადმყოფოში მკურნალობდა, თუმცა მისი გადარჩენა ვერ მოხერხდა.

როგორც დოლაბერიძემ განაცხადა, პროფკავშირებმა “ჯორჯიან მანგანეზისგან” კვლევის კომისიაში ჩართვის თანხმობა ვერბალურად მიიღეს და როდესაც კომისია მუშაობას დაიწყებს, დადგინდება, კონკრეტულად რა ვითარებაში დაშავდა მუშა.

“ნეტგაზეთი” მომხდართან დაკავშირებით შსს-ს დაუკავშირდა და უწყების კომენტარს მიღებისთანავე გავავრცელებთ.