ნეტგაზეთი | ტრამპის ბრიფინგის მიმდინარეობისას თეთრ სახლთან სროლა იყო ტრამპის ბრიფინგის მიმდინარეობისას თეთრ სახლთან სროლა იყო – Netgazeti
RU | GE  

ტრამპის ბრიფინგის მიმდინარეობისას თეთრ სახლთან სროლა იყო

აშშ-ის პრეზიდენტის, დონალდ ტრამპის ბრიფინგის მიმდინარეობისას, ვაშინგტონში, თეთრი სახლის მახლობლად სროლა იყო. შემთხვევის შედეგად, ტრამპს ბრიფინგის შეაწყვეტინეს – ტერიტორია უსაფრთხოების სამსახურმა დაატოვებინა.

CNN უსაფრთხოების სამსახურზე დაყრდნობით იუწყება, რომ ცეცხლი სამართალდამცველებმა  მას შემდგომ გახსნეს, რაც თეთრ სახლთან 51 წლის კაცი მივიდა და განაცხადა, რომ თან იარაღი ჰქონდა. უწყების თქმით, ამის შემდეგ კაცი მივარდა ერთ-ერთ ოფიცერს და ხელის სწრაფი მოძრაობით, იარაღით,  ტანსაცმლიდან გაურკვეველი ნივთი ამოიღო.

გამოცემა უსაფრთხოების სამსახურის წყაროზე დაყრდნობით წერს, რომ კაცი საბოლოოდ შეუიარაღებელი აღმოჩნდა.

სროლიდან რამდენიმე წუთში ტრამპი ბრიფინგების ოთახში დაბრუნდა.

„თეთრი სახლის მახლობლად იყო სროლა და, როგორც ჩანს, ყველაფერი უკვე კონტროლის ქვეშაა. მე მინდა მადლობა გადავუხადო უსაფრთხოების სამსახურს იმისთვის, რომ ისინი თავიანთ მოქმედებებში მუდამ სწრაფნი არიან და სამუშაოს ეფექტიანად ასრულებენ“, – თქვა ტრამპმა დაბრუნებისას და განმარტა, რომ პირი საავადმყოფოში გადაიყვანეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან