ნეტგაზეთი | 17 წლის ჩათვლით ბავშვები ერთჯერადად 200-ლარიან დახმარებას მიიღებენ – გახარია 17 წლის ჩათვლით ბავშვები ერთჯერადად 200-ლარიან დახმარებას მიიღებენ – გახარია – Netgazeti
RU | GE  

17 წლის ჩათვლით ბავშვები ერთჯერადად 200-ლარიან დახმარებას მიიღებენ – გახარია

საქართველოს პრემიერის, გიორგი გახარიას თქმით, 17 წლის ჩათვლით ყველა საქართველოს მოქალაქე სახელმწიფოს მხრიდან ერთჯერადად 200-ლარიან დახმარებას მიიღბენ.

„ეკონომიკურ კირიზისში ჩვენს მოქალაქეებსა და ბავშვებს, პირველ რიგში, სახელმწიფოს მხრიდან ექნებათ დახმარება 200 ლარის ოდენობით და ეს იქნება ერთ-ერთი ყველაზე მნიშვნელოვანი სოციალური დახმარება ბავშვებისთვის, რომლებიც ახლა კრიზისში იმყოფებიან და, რა თქმა უნდა, სასწავლო წლის დაწყებამდე და სასწავლო წლის პროცესში…

რომ შევაჯამოთ, ყველა საქართველოს მოქალაქე ბავშვი 17 წლამდე სახელმწიფოს მხრიდან მიიღებს 200 ლარის დახმარებას ერთჯერადად და ეს დახმარება განხორციელდება კრიზისში ჩვენი ბავშვების სოციალური მხარდაჭერისა და სასწავლო წლის დაწყების პროცესში“ ,- განაცხადა გახარიამ.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან