ნეტგაზეთი | ბაჩალიაშვილზე სიუჟეტის შემდეგ დავით ქაშიაშვილს გამოკითხვაზე იბარებენ ბაჩალიაშვილზე სიუჟეტის შემდეგ დავით ქაშიაშვილს გამოკითხვაზე იბარებენ – Netgazeti
RU | GE  

ბაჩალიაშვილზე სიუჟეტის შემდეგ დავით ქაშიაშვილს გამოკითხვაზე იბარებენ

ტელეკომპანია “ფორმულას” ჟურნალისტ დავით ქაშიაშვილს, რომელმაც გუშინ, 1 აგვისტოს თამარ ბაჩალიაშვილის საქმესთან დაკავშირებით რეპორტაჟი მოამზადა, შსს-ში გამოკითხვაზე იბარებენ.

ინფორმაციას ამის შესახებ ტელეკომპანია “ფორმულა” ავრცელებს. ტელეკომპანიაში აღნიშნავენ, რომ ჟურნალისტი უწყებაში ხვალ, 11:00 საათზე უნდა გამოცხადდეს:

“მისი გამოკითხვა, გუშინ “შაბათის ფორმულას” ეთერში გასულ სიუჟეტს უკავშირდება, რომელიც თამარ ბაჩალიაშვილის საქმეს ეხება. ქაშიაშვილი უწყებაში ადვოკატთან ერთად მივა.

“შაბათის ფორმულამ” საგამოძიებო უწყებიდან სანდო წყაროზე დაყრდნობით გაავრცელა ნფორმაცია, რომ ბაჩალიაშვილმა სამი მაღალჩინოსნის მაკომპრომეტირებელი მასალები მოიპოვა” – ამბობენ ტელეკომპანიაში.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.