აფხაზეთის კორონავირუსთან ბრძოლის ოპერატიული შტაბის ინფორმაციით, დღეს, 31 ივლისს გუდაუთის ჰოსპიტალში კორონავირუსით მესამე პაციენტი [79 წლის] გარდაიცვალა.
ოფიციალური ცნობითვე, პაციენტი სოხუმიდან გუდაუთაში 29 ივლისს გულის მწვავე დაავადებით გადაიყვანეს.
დღემდე აფხაზეთში კორონავირუსის 81 შემთხვევაა დადასტურებული [ქართული მხარე სოხუმის სტატისტიკას არ ენდობა], რომელთაგან 37 პაციენტი გამოჯანმრთელდა, სამი კი გარდაიცვალა.