ნეტგაზეთი | ისლანდიამ საქართველოსთან საზღვარი გახსნა ისლანდიამ საქართველოსთან საზღვარი გახსნა – Netgazeti

ისლანდიამ საქართველოსთან საზღვარი გახსნა

ისლანდიამ ევროკავშირის მიერ უსაფრთხოდ მიჩნეულ მესამე ქვეყნებთან, რომელთა შორის საქართველოც არის, საზღვარი გახსნა. ინფორმაციას ამის შესახებ schengenvisa.info ავრცელებს.

გამოცემის ცნობით, სია, საჭიროებისამებრ, რეგულარულად განახლდება.

რაც შეეხება კარანტინს თუ უსაფრთხოების სხვა ზომებს, როგორც გამოცემა წერს, აეროპორტში ჩასვლისას მგზავრებს ექნებათ არჩევანი — ან მოთავსდნენ ორკვირიან კარანტინში, ან გაიკეთონ ფასიანი ტესტი კორონავირუსზე.

ისლანდიის გარდა, საქართველოს საზღვარი გაუხსნეს ევროპის სხვა ქვეყნებმა — იტალიამ, გერმანიამ, საფრანგეთმა, ესპანეთმა და სხვებმა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: realnikaburduli@gmail.com