ნეტგაზეთი | 12 ივლისი : საქართველოში კორონავირუსის 5 ახალი შემთხვევა დაფიქსირდა 12 ივლისი : საქართველოში კორონავირუსის 5 ახალი შემთხვევა დაფიქსირდა – Netgazeti

12 ივლისი : საქართველოში კორონავირუსის 5 ახალი შემთხვევა დაფიქსირდა

დღეს, 12 ივლისს, საქართველოში კორონავირუსის 5 ახალი შემთხვევა დაფიქსირდა და ჯამში ინფიცირებულთა რაოდენობამ 986-ს მიაღწია. როგორც ნეტგაზეთს დაავადებათა კონტროლის ეროვნული ცენტრის დირექტორმა ამირან გამყრელიძემ უთხრა ხუთივე შემთხვევა იმპორტირებულია და Covid-19 კარანტინში მყოფ პირებს დაუდასტურდათ. 

მთავრობის მიერ შექმნილი Stop.cov.ge-ის ინფორმაციით, მათგან გამოჯანმრთელებულია 857 ადამიანი, გარდაიცვალა 15 პაციენტი. ამ დროისთვის კარანტინის რეჟიმში 5001 პირი იმყოფება, სტაციონარში მეთვალყურეობის ქვეშ კი 219 ადამიანია. უცხოეთიდან საქართველოში სამკურნალოდ ქვეყნის 31 მოქალაქე გადმოიყვანეს. 

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.