აფხაზური მედიის ცნობით, სოხუმში რამდენიმე თვის წინ დაკავებული ე.წ. კანონიერი ქურდის, თენგიზ ლაკერბაიას მხარდამჭერი აქციის მონაწილეები დააკავეს.
სოხუმის ოფიციალური ინფორმაციით, აქცია, რომელზეც 30-მდე მონაწილე იმყოფებოდა, არ იყო სანქცირებული. შესაბამისად, 15 პირი პოლიციის დაუმორჩილებლობის ბრალდებით დააპატიმრეს.
თენგიზ ლაკერბაია დე ფაქტო ოპერატიული სამსახურების მიერ 2020 წლის 7 მარტს რამდენიმე ბრალდებით დააკავეს, მათ შორის, ცეცხლსასროლი იარაღის უკანონო შეძენა -შენახვის, ასევე, ნარკოტიკული საშუალებების შეძენა შენახვის ბრალდებით. ე.წ. კანონიერ ქურდს ადგილობრივმა სასამართლომ 4.5 წლით პატიმრობა მიუსაჯა.
