ნეტგაზეთი | 8 ახალი შემთხვევიდან 6 სატვირთო მანქანის მძღოლია – ეზუგბაია 8 ახალი შემთხვევიდან 6 სატვირთო მანქანის მძღოლია – ეზუგბაია – Netgazeti

8 ახალი შემთხვევიდან 6 სატვირთო მანქანის მძღოლია – ეზუგბაია

თბილისის ინფექციური საავადმყოფოს სამედიცინო ხელმძღვანელის, მარინა ეზუგბაიას თქმით, 8 ახალი შემთხვევიდან 6 სატვირტთო ავტომობილის მძღოლია.

„8 პაციენტიდან ერთი გახლავთ დადასტურებულ შემთხვევასთან კონტაქტი, დანარჩენი 7 არის ყველა შემოტანილი. ამ 7-დან 6 სატვირტთო ავტომობილის მძღოლია, ერთი კი, ასე ვთქვათ, ჩვეულებრივი მოქალაქეა“, – ამბობს ეზუგბაია.

მისივე თქმით, ამ დროისთვის საქართველოში, კოვიდცენტრებში 107 პაციენტი მკურნალობს.

2 ივლისის დილის მონაცემებით, ბოლო 24 საათში საქართველოში კორონავირუსის 8 ახალი შემთხვევა გამოვლინდა, გამოჯანმრთელდა 22 პაციენტი.

სულ საქართველოში კორონავირუსის 939 შემთხვევა დაფიქსირდა, რომელთაგან 817 გამოჯანმრთელდა, ხოლო 15 გარდაიცვალა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან