ნეტგაზეთი | მსოფლიოში კორონავირუსს ნახევარ მილიონზე მეტი ადამიანი ემსხვერპლა მსოფლიოში კორონავირუსს ნახევარ მილიონზე მეტი ადამიანი ემსხვერპლა – Netgazeti

მსოფლიოში კორონავირუსს ნახევარ მილიონზე მეტი ადამიანი ემსხვერპლა

ჯონ ჰოპკინსის უნივერსიტეტის სტატისტიკის თანახმად, ახალი კორონავირუსის — SARS-CoV-2-ის მიერ გამოწვეულ დაავადება COVID-19-ს მსოფლიოს მასშტაბით ნახევარ მილიონზე მეტი ადამიანი ემსხვერპლა.

ყველაზე მეტი ადამიანი გარდაიცვალა ამერიკის შეერთებულ შტატებში — 125 803, შტატებშია ასევე ინფიცირების ყველაზე დიდი მაჩვენებელი.

მეორე ადგილზე ორივე მაჩვენებელში არის ბრაზილია — ვირუსს იქ 57 000 ადამიანზე მეტი ემსხვერპლა.

ასევე, სიკვდილიანობის მხრივ ხუთეულში შედიან გაერთიანებული სამეფო, იტალია და საფრანგეთი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com