ნეტგაზეთი | ბრიტანეთში მომხდარ თავდასხმას ტერორიზმის კვალიფიკაციით იძიებენ ბრიტანეთში მომხდარ თავდასხმას ტერორიზმის კვალიფიკაციით იძიებენ – Netgazeti
RU | GE  

ბრიტანეთში მომხდარ თავდასხმას ტერორიზმის კვალიფიკაციით იძიებენ

დიდი ბრიტანეთის პოლიციამ განაცხადა, რომ 20 ივნისის საღამოს, რედინგში მომხდარ თავდასხმას ტერორიზმის კვალიფიკაციით იძიებენ.

ბრიტანული მედიის ცნობით, რედინგის ერთ-ერთ პარკში დანით შეიარაღებული პირი რამდენიმე ადამიანს დაესხა თავს, რის შედეგადაც 3 პირი დაიღუპა, სამი კი დაიჭრა. გამოძიება თავდაპირველად მკვლელობის მუხლით დაიწყო, თუმცა მოგვიანებით პროცესში კონტრტერორისტული ცენტრის თანამშრომლები ჩაერთვნენ და შესაბამისად, გამოძიება სწორედ ტერორიზმის მიმართულებით გრძელდება.

სამართალდამცავებმა ადგილზე დააკავეს ლიბიის 25 წლის მოქალაქე. გამოძიების ცნობით, ის მარტო მოქმედებდა და პოლიცია სხვა ეჭვმიტანილს არ ეძებს. თავდასხმამდე რამდენიმე საათით ადრე აღნიშნულ პარკში შავკანიანთა უფლებების დასაცავად საპროტესტო აქცია გაიმართა, თუმცა შეიარაღებულ თავდასხმას აქციასთან კავშირი არ აქვს.

ნეტგაზეთის მასალების სხვა გამოცემებში გადაბეჭდვის წესი
ავტორი
თაზო კუპრეიშვილი არის "ნეტგაზეთის" რედაქტორი 2018 წლის პირველი თებერვლიდან.