ნეტგაზეთი | თბილისში 52 წლის მამაკაცი მოკლეს, ბრალდებული დაკავებულია თბილისში 52 წლის მამაკაცი მოკლეს, ბრალდებული დაკავებულია – Netgazeti

თბილისში 52 წლის მამაკაცი მოკლეს, ბრალდებული დაკავებულია

შინაგან საქმეთა სამინისტროს ცნობით, პოლიციამ  ცხელ კვალზე დააკავა განზრახ მკვლელობაში ბრალდებული. მკვლელობა თბილისში დღეს, 17 ივნისს მოხდა. 

“გამოძიებით დადგინდა, რომ ბრალდებულმა თბილისში, პაატა ჯანელიძის ქუჩაზე,  ოჯახის ახლობელს – 1968 წელს დაბადებულ გ.გ.-ს,  შურისძიების ნიადაგზე,  ცეცხლსასროლი იარაღიდან გასროლით გულმკერდის არეში სასიკვდილო ჭრილობა მიაყენა და შემთხვევის ადგილიდან მიიმალა. მიყენებული ჭრილობის შედეგად, გ.გ. ადგილზე გარდაიცვალა”, – ამ ინფორმაციას შსს ავრცელებს. 

1965 წელს დაბადებული ც.ა. -ს ბრალი განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებაში ედება. დანაშაული 7-დან 15 წლამდე ვადით თავისუფლების აღკვეთას ითვალისწინებს.

ნეტგაზეთის მასალების სხვა გამოცემებში გადაბეჭდვის წესი
ავტორი