ნეტგაზეთი | საქართველოში კორონავირუსის დადასტურებეული შემთხვევების 11% ასიმპტომური იყო – NCDC საქართველოში კორონავირუსის დადასტურებეული შემთხვევების 11% ასიმპტომური იყო – NCDC – Netgazeti
RU | GE  

საქართველოში კორონავირუსის დადასტურებეული შემთხვევების 11% ასიმპტომური იყო – NCDC

დაავადებათა კონტროლის ცენტრის ანგარიშის მიხედვით, რომელიც 11 ივნისის ჩათვლით ქვეყანაში კორონავირუსის კუთხით არსებულ ვითარებას ასახავს, დადასტურებული შემთხვევების 11% ასიმპტომური იყო.

NCDC-ში აცხადებენ, რომ სიმპტომებიდან ყველაზე ხშირად ვლინდებოდა ცხელება (57.3%-ში), ზოგადი სისუსტე (34.5%-ში) ხველა (24.6%-ში), ყელის ტკივილი (17%-ში)  და თავის ტკივილი (14.5%-ში).

გემოს და ყნოსვის ცვლილება კი  500 შემთხვევაში გამოვლინდა, რაც COVID დადასტურებული შემთხვევების  14.8%-ია.

დაავადებათა კონტროლის ცენტრში აცხადებენ, რომ 800 შემთხვევიდან, PCR ტესტირების დროს, 88 შემთხვევა იყო ასიმპტომური . შესაბამისად, უსიმპტომო შემთხვევების პროპორცია იყო 11%.

NCDC-ში აცხადებენ, რომ სიმპტომების ინტენსივობის შესახებ ინფორმაციის მოგროვება პრობლემური აღმოჩნდა 166 შემთხვევაში, რაც გამოწვეული იყო რიგი სუბიექტური და ობიექტური ფაქტორებით, კერძოდ, ენობრივი ბარიერი, გახსენების მიკერძოება.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.