ნეტგაზეთი | აბასთუმანში ახლად გაჩენილი ხანძარი ჩააქრეს აბასთუმანში ახლად გაჩენილი ხანძარი ჩააქრეს – Netgazeti
Batumelebi | RU

აბასთუმანში ახლად გაჩენილი ხანძარი ჩააქრეს

დაბა აბასთუმანთან, ობსერვატორიის ტერიტორიის მიმდებარედ, ხანძრის ახალი კერა გაჩნდა. ინფორმაციას ამის შესახებ საგანგებო სიტუაციების მართვის სამსახურში ადასტურებენ.

სამსახურის ცნობით, ხანძარი უკვე ლოკალიზებულია და გავრცელების საფრთხე არ არსებობს. ადგილზე კი 5 ერთეული სახანძრო-სამაშველო ტექნიკა და 50-მდე მეხანძრე-მაშველი მუშაობს.

საგანგებოს ინფორმაციით, მომხდარ ფაქტზე საქმე დაწყებულია საქართველოს სისხლის სამართლის კოდექსის 187-ე მუხლის მეორე ნაწილით, რაც ცეცხლის წაკიდებით ნივთის დაზიანებას ან განადგურებას გულისხმობს.

აბასთუმნის წიწვოვან ტყეში ხანძარი ორი დღის წინ, 13 ივნისსაც გაჩნდა, ხანძრის ქრობაში მონაწილეობდნენ მეხანძრე-მაშველები სამცხე-ჯავახეთის რეგიონიდან და ქვემო ქართლიდან. აღნიშნულ პროცესში ასევე ჩაერთო შინაგან საქმეთა სამინისტროს სასაზღვრო პოლიციის 2 ვერტმფრენიც.

ნეტგაზეთის მასალების სხვა გამოცემებში გადაბეჭდვის წესი
ავტორი