ინდოეთში, დელიში, კორონავირუსით დაავადებული პაციენტების სამკურნალოდ 500 სარკინიგზო ვაგონს პალატებად გადააკეთებენ და იქ 8000 ადამიანის მოთავსება იქნება შესაძლებელი, წერს BBC.
ბოლო დროს ინდოეთში გაიზარდა კორონავირუსის შემთხვევების დღიური რაოდენობა და თითქმის 12 000-ს მიაღწია. მთლიანობაში, დადასტურდა 320 922 შემთხვევა, რაც აშშ-ის, ბრაზილიისა და რუსეთის შემდეგ ყველაზე მეტია, ხოლო გარდაიცვალა, მთლიანობაში, 9 195 ადამიანი.
როგორც The Hindustan Times წერს, ქვეყანაში დელი არის კორონავირუსისგან მესამე ყველაზე დაზარალებული შტატი. ამჟამად პაციენტების სამკურნალოდ იქ 9 698 საწოლი აქვთ აქედან კი 4 248 თავისუფალია.
BBC-ის ცნობით, ინდოეთმა სარკინიგზო ვაგონების პალატებად გადაკეთება აპრილში დაიწყო. მაშინ პანდემიის გამო დაწესებული შეზღუდვებიდან გამომდინარე სარკინიგზო მიმოსვლის დიდი ნაწილი შეჩერდა.
გარეკანის ფოტო: EPA