ნეტგაზეთი | აშშ გერმანიიდან 9500 ჯარისკაცს გაიყვანს აშშ გერმანიიდან 9500 ჯარისკაცს გაიყვანს – Netgazeti

აშშ გერმანიიდან 9500 ჯარისკაცს გაიყვანს

აშშ გერმანიაში დისლოცირებულ 9500 ჯარისკაცს გამოიყვანს და ამგვარად, ქვეყანაში ამერიკელი სამხედროების რაოდენობა 34,500-მდე შემცირდება. ინფორმაციას ამის შესახებ Fox News ავრცელებს.

ტელეარხის ცნობით, ამერიკელი სამხედროები გერმანიას სექტემბერში დატოვებენ.

Bloomberg-ის ცნობით, ტრამპმა გადაწყვეტილების შესახებ გერმანელი კოლეგა, ანგელა მერკელი არ გააფრთხილა.

Fox News, ადმინისტრაციაში თავის წყაროზე დაყრდნობით წერს, რომ ეს გადაწყვეტილება სექტემბრიდან განიხილებოდა და არ უკავშირდება ანგელა მერკელის უარს, ვაშინგტონში G7-ის სამიტზე ჩავიდეს ივნისის ბოლოს.

თუმცა, მისივე თქმით, ტრამპის ადმინისტრაციაში უკმაყოფილოები არიან გერმანიის პოლიტიკით, განსაკუთრებით ოფიციალური ბერლინის მიერ სამხედრო ხარჯების დაფინანსებით დონითა და გაზსადენის, „ჩრდილოეთის ნაკადი 2-ის“ (რომლითაც რუსეთი ბუნებრივ აირს ბალტიის ზღვის გავლით პირდაპირ გერმანიას მიაწვდის) კონსტრუქციის დასრულების სურვილით.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com