სომხეთის ჯანდაცვის სამინისტროს 29 მაისის ინფორმაციით, ქვეყანაში დღე-ღამეში კორონავირუსის 460 ახალი შემთხვევა და გარდაცვალების 7 ფაქტი დადასტურდა.
სომხეთში ამ დრომდე კორონავირუსი 8676 პაციენტს დაუდასტურდა. 3297 პაციენტი გამოჯანმრთელდა, 120 პაციენტი კი გარდაიცვალა. ამასთან, სომხეთი ცალკე ასახავს იმ პაციენტებს [45], ვისაც “ჰქონდა კორონავირუსი, თუმცა, სხვა დაავადებისგან გარდაიცვალა”.
ინფექციის მზარდი გავრცელების მიუხედავად, ქვეყანაში მოხსნილია შეზღუდვები -მუშაობს საზოგადოებრივი ტრანსპორტი, მაღაზიები, კაფე-რესტორნები.