სომხეთის ჯანდაცვის სამინისტროს ინფორმაციით, დღე-ღამეში ქვეყანაში კორონავირუსის 442 ახალი შემთხვევა გამოავლინეს და, ჯამში, დადასტურებული შემთხვევების რაოდენობა სომხეთში 8216 გახდა.
ოფიციალური ცნობითვე, დღე-ღამეში კორონავირუსის ინფექციის გამო 15 პაციენტი გარდაიცვალა.
ქვეყანაში ამ დრომდე 113 პაციენტი გარდაიცვალა კორონავირუსის ინფექციის გამო. გარდაცვლილთა შორის, ოფიციალური ცნობითვე, ყველაზე ხანდაზმული პაციენტი 92 წლის იყო, ყველაზე ახალგაზრდა -42. ამასთან, სომხეთი ცალკე აღრიცხავს იმ პაციენტებს, რომლებსაც “ვირუსი ჰქონდათ, თუმცა სხვა მიზეზით გარდაიცვალნენ”. გამოჯანმრთელდა 3287 პაციენტი.