ნეტგაზეთი | ზურა ჯაფარიძის პროტესტი საპატრიარქოსთან [ფოტო] ზურა ჯაფარიძის პროტესტი საპატრიარქოსთან [ფოტო] – Netgazeti

ზურა ჯაფარიძის პროტესტი საპატრიარქოსთან [ფოტო]

„გირჩის“ ერთ-ერთმა ლიდერმა, ზურაბ ჯაფარიძემ თბილისში, საპატრიარქოს შენობასთან გააპროტესტა კანონპროექტი, რომლის თანახმადაც მართლმადიდებელ ეკლესიას შეეძლება, ყველა ეკლესია-მონასტრის გარშემო 20 ჰექტრამდე ტყე იყიდოს და კერძო საკუთრებად დაიკანონოს.

ჯაფარიძე მართლმადიდებელი ეკლესიის საპატრიარქოსთან პლაკატით მივიდა, რომელზეც ეწერა „ღმერთის არ გწამთ?“.

„თითო ეკლესიაზე 20 ჰექტარი ტყის გადაცემა ამორალური საქციელია. ერთადერთი გზა, რომ ეკლესია ოქროს მოყვარულთა პოლიტიკური გაერთიანებიდან მართლა ქრისტეს ეკლესიად იქცეს,სასწრაფოდ საჭიროა ყველა პრივილეგიის გაუქმება“, — ციტირებს ჯაფარიძეს „გირჩის“ ვებ-გვერდი.


ოპოზიციაში მიიჩნევენ, რომ ეს კანონპროექტი ხელისუფლების წინასაარჩევნო ნაბიჯია. ვრცლად ამის შესახებ შეგიძლიათ გაეცნოთ „ნეტგაზეთის“ მასალას:

ყველა ეკლესიას თავის გარშემო 20 ჰა-მდე ტყის ფლობა შეეძლება – კანონპროექტი

ოპოზიცია საპატრიარქოსთვის ტყის გადაცემის კანონპროექტს წინასაარჩევნო ნაბიჯად აფასებს

გარეკანის ფოტო: „გირჩის“ ვებ-გვერდიდან

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31