ნეტგაზეთი | აზერბაიჯანში 33 პატიმარს დაუდგინდა Covid-19 აზერბაიჯანში 33 პატიმარს დაუდგინდა Covid-19 – Netgazeti

აზერბაიჯანში 33 პატიმარს დაუდგინდა Covid-19

აზერბაიჯანის იუსტიციის სამინისტროს ცნობით, სასჯელაღსრულების მე-13 დაწესებულებაში 33 პატიმარს დაუდასტურდა Covid-19.

სამინისტროს თანახმადვე, ინფიცირებულები იზოლირებული არიან სხვა მსჯავრდებულებისგან და მიმდინარეობს მათი მკურნალობა.

„პენიტენციურ დაწესებულებებში გაგრძელდება დეზინფექცია“, – განაცხადა უწყების პრესსამსახურმა 12 მაისს. ინფიცირების წყაროს შესახებ ინფორმაცია არ გავრცელებულა.

ბოლო ოფიციალური ცნობებით, აზერბაიჯანში ახალი კორონავირუსით ინფიცირების 2758 შემთხვევაა დადასტურებული; 35 ადამიანი გარდაიცვალა, 1789 გამოჯანმრთელდა, დარჩენილი 934 კი მკურნალობას აგრძელებს. მათგან 30 პაციენტი კრიტიკულ მდგომარეობაშია.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com