საქართველოში კორონავირუსით მე-11 პაციენტი დაიღუპა. ინფორმაცია სამთავრობო stopcov.ge-ზე განახლდა.
პაციენტი ბათუმში, კლინიკა „მედალფაში“ მკურნალობდა.
გარდაცვლილი, 81 წლის მამაკაცი „ქობულეთის კლასტერიდან“ იყო. მას კორონავირუსი 9 აპრილს დაუდასტურდა.
ამჟამად ქვეყანაში კორონავირუსის გავრცელების სტატისტიკა ამგვარია:
- კორონავირუსის დადასტურებული შემთხვევა – 638
- მათ შორის გამოჯანმრთელებული – 317
- მათ შორის გარდაცვლილი – 11
- კარანტინის რეჟიმში – 4769
- სტაციონარში მეთვალყურეობის ქვეშ – 414
- *უცხოეთიდან სამკურნალოდ გადმოყვანილი საქართველოს მოქალაქეები – 3