ნეტგაზეთი | მაიკ პენსის პრეს-სპიკერს COVID-19 დაუდასტურდა მაიკ პენსის პრეს-სპიკერს COVID-19 დაუდასტურდა – Netgazeti

მაიკ პენსის პრეს-სპიკერს COVID-19 დაუდასტურდა

აშშ-ის ვიცე-პრეზიდენტის, მაიკ პენსის პრეს-სპიკერს, კეტი მილერს კორონავირუსი დაუდასტურდა. ეს ინფორმაცია პრეზიდენტმა დონალდ ტრამპმა დაადასტურა.

„გარდიანის“ ცნობით, ტრამპი აცხადებს, რომ მილერი ტესტირებას დიდი ხნის განმავლობაში გადიოდა და შედეგი ნეგატიური იყო, თუმცა დღეს გაკეთებულმა ტესტმა პოზიტიური შედეგი აჩვენა. აშშ-ის პრეზიდენტი მიიჩნევს, რომ მილერს კორონავირუსი პრესის წარმომადგენლისგან გადაედო.

გარდა ამისა, ტრამპმა თქვა, რომ მილერს ჰქონდა კონტაქტი ვიცე-პრეზიდენტ პენსთან.

ამასთან ერთად, კეტი მილერის მეუღლე — სტიფენ მილერი თავად ტრამპის მრჩეველია.

აქამდე, კორონავირუსი დაუდასტურდა ტრამპის პერსონალურ მსახურს. ამის შემდეგ ტრამპმა განაცხადა, რომ ანტისხეულებზე ტესტის ჩატარებას დაიწყებდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31