7 მაისის 10:00 საათის მონაცემებით, ბოლო 24 საათში საქართველოში კორონავირუსის 5 ახალი შემთხვევა გამოვლინდა და საერთო რიცხვმა 615-ს მიაღწია.

ინფექციური საავადმყოფოს სამედიცინო დირექტორის, მარინა ეზუგბაიას ცნობით, ახალი ინფიცირებულები აქამდე ცნობილ წყაროებს მიეკუთვნებიან და დააავადების ახალი წყარო არ გამოვლენილა.

დაავადებათა კონტროლის ეროვნული ცენტრის ინფორმაციით, 24 საათში კორონავირუსზე სულ ჩატარდა1 641 ტესტი. ტესტირებულთა საერთო რაოდენობამ 24 ათასს გადააჭარბა.

გამოჯანმრთელებულთა რაოდენობა 6-ით გაიზარდა და გახდა 275. ამ დროისათვის გარდაცვლილია 9 ადამიანი, კარანტინის რეჟიმში მოთავსებულია 5 002 პირი, ექიმების მეთვალყურეობის ქვეშ – 485.