ნეტგაზეთი | 24 საათში 108 პირი დააჯარიმეს – საგანგებო მდგომარეობა 24 საათში 108 პირი დააჯარიმეს – საგანგებო მდგომარეობა – Netgazeti
RU | GE  

24 საათში 108 პირი დააჯარიმეს – საგანგებო მდგომარეობა

შინაგან საქმეთა სამინისტროს ინფორმაციით, ბოლო 24 საათის განმავლობაში, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 108 ახალი ფაქტი გამოვლინდა.

“3 მაისის 21:00 საათიდან 4 მაისის 06:00 საათამდე, ე.წ. კომენდანტის საათის დარღვევის ფაქტზე პოლიციამ 78 მოქალაქე დააჯარიმა. საჯარო სივრცეში 3-ზე მეტი პირის შეკრების შეზღუდვის და 2-მეტრიანი სოციალური დისტანციის დაუცველობის გამო სულ 24 მოქალაქე დააჯარიმეს. თვითიზოლაციის წესების დარღვევის 1 ახალი ფაქტი გამოვლინდა, ხოლო მგზავრთა გადაყვანისა და ავტომობილით გადაადგილების წესის დარღვევისთვის 5 პირი დააჯარიმეს”.

საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით.

რა უნდა ვიცოდეთ თუ საგანგებოს დარღვევისთვის დაგვაჯარიმეს

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.