სომხეთში 94 წლის ქალი Covid-19-სგან გამოჯანმრთელდა.
როგორც სომხეთის დამწვრობის ეროვნული ცენტრის დირექტორმა, გევორგ სიმონიანმა განაცხადა, ის უკვე გაწერეს კლინიკიდან.
„სომხეთის ყველაზე ასაკოვანი პაციენტი, რომელსაც Covid-19 უდასტურდებოდა, გუშინ გაეწერა კლინიკიდან სრული გამოჯანმრთელების შემდეგ“, – დაწერა მან ფეისბუკზე.
30 აპრილის ბოლო, ოფიციალური მონაცემებით, სომხეთში კორონავირუსის 2066 შემთხვევაა დადასტურებული.
32 ადამიანი დაიღუპა, 929 გამოჯანმრთელდა, დანარჩენები (1103 პაციენტი) მკურნალობას აგრძელებენ.
ქვეყანაში, ჯამში, 21 125 ტესტია კორონავირუსზე ჩატარებული.