ქუთაისში, “კლინიკა ბომონდის” ცხელების ცენტრში კატასტროფის ბრიგადის მიერ აფხაზეთიდან შემოყვანილი 32 წლის ქალის ლაბორატორიული კვლევის შედეგებს ელოდებიან.
კლინიკის ხელმძღვანელის, მამუკა მიქაძის თქმით, დაახლოებით 30-31 კვირის ორსული კლინიკაში მძიმე მდგომარეობაში შეიყვანეს – პაციენტს ჩაუტარდა საკეისრო კვეთა.
კლინიკის ინფორმაციით, ამ დროისათვის პაციენტი რეანიმაციაში, ბოქსირებულ განყოფილებაშია მოთავსებული, ახალშობილი ბავშვთა რეანიმაციაში იმყოფება. მათი ჯანმრთელობის მდგომარეობა დამაკმაყოფილებელია.
