მთავრობის ვებგვერდის, StopCov.ge-ს ცნობით, საქართველოში Covid-19-ით კიდევ ერთი, მე-6 პაციენტი გარდაიცვალა.
როგორც თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა განაცხადა, გარდაიცვალა 83 წლის პაციენტი, რომელსაც გულის სხვადასხვა დაავადებები ჰქონდა.
ლევან რატიანის თანახმად, მას ქრონიკული პათოლოგიები აღენიშნებოდა — გულის უკმარისობა, მოციმციმე არითმია, „ჩატარებული ექოსკოპიური კვლევის შედეგად, ყველა სარქვლის ნაკლოვანებით იყო აღნიშნული პაციენტი“.
„მიუხედავად ჩატარებული ღონისძიებებისა დღეს დილით დაფიქსირდა ბიოლოგიური სიკვდილი“, – განუცხადა ექიმმა ჟურნალისტებს.
[მასალა დეტალებით განახლდება].
26 აპრილის დილის 12:00 საათის მონაცემებით, სტატისტიკა ასეთია:
- კორონავირუსის დადასტურებული შემთხვევა – 485
- მათ შორის გამოჯანმრთელებული – 139
- მათ შორის გარდაცვლილი – 6
- კარანტინის რეჟიმში – 4928
- სტაციონარში მეთვალყურეობის ქვეშ – 522
- *უცხოეთიდან სამკურნალოდ გადმოყვანილი საქართველოს მოქალაქეები – 3