ნეტგაზეთი | სომხეთი გენოციდის 105-ე წლისთავს ვირტუალურად აღნიშნავს სომხეთი გენოციდის 105-ე წლისთავს ვირტუალურად აღნიშნავს – Netgazeti

სომხეთი გენოციდის 105-ე წლისთავს ვირტუალურად აღნიშნავს

“წელს სომეხთა გენოციდის მსხვერპლთა ხსოვნისადმი მიძღვნილი მოქალაქეთა ტრდიციული მსვლელობა ვირტუალურ სივრცეში გაიმართება”, – განაცხადა ქვეყნის პრემიერ-მინისტრმა ნიკოლ ფაშინიანმა.

“მოქალაქეები ფიზიკურად ვერ ავლენ წიწერნაკაბერდზე [მემორიალი ერევნის ბორცვზე], თუმცა შეძლებენ საკუთარი სახელების გაგზავნას ნომერზე 1915 და ვირტუალურ მსვლელობაში მონაწილეობას მიიღებენ, რომლის დროსაც მათი სახელები სომეხთა გენოციდის ხსოვნის მემორიალის კედლებზე პროექტორით გაეშვება”, – განმარტავს პრემიერი.

ფაშინიანის თქმით, მსვლელობა პირდაპირ ეთერში გადაიცემა და მასში მონაწილეობა მსოფლიოს ყველა კუთხეში მცხოვრებ ადამიანს შეეძლება.

ასევე, სომხეთის პრემიერ-მინისტრის აპარატში მოქალაქეებს ურჩევენ, დღეს, 21:00 საათიდან სახლებში სინათლე გამორთონ და განათებული ტელეფონის ეკრანებით ფანჯრებთან დადგნენ, რათა სიმბოლურად შექმნან “მარადიულ ცეცხლთან” დგომის იმიტაცია.

24 აპრილს მსოფლიოს სხვადასხვა ქვეყანაში მცხოვრები ეთნიკური სომხები ოსმალურ იმპერიაში 1915-1918 წლებში მომხდარ სომეხთა გენოციდის მსხვერპლთა დღეს აღნიშნავენ. სომეხთა გენოციდი არაერთ ქვეყანას აქვს ოფიციალურად აღიარებული.

ამავე თემაზე:

რატომ ვერ ალაგებენ ურთიერთობებს სომხეთი და თურქეთი

ნეტგაზეთის მასალების სხვა გამოცემებში გადაბეჭდვის წესი
ავტორი