ნეტგაზეთი | უკრაინაში აღდგომის მსახურებისას კარანტინის რეჟიმის დარღვევისთვის სისხლის სამართლის საქმე აღძრეს უკრაინაში აღდგომის მსახურებისას კარანტინის რეჟიმის დარღვევისთვის სისხლის სამართლის საქმე აღძრეს – Netgazeti

უკრაინაში აღდგომის მსახურებისას კარანტინის რეჟიმის დარღვევისთვის სისხლის სამართლის საქმე აღძრეს

უკრაინაში სამართალდამცავმა ორგანოებმა ხუთი სისხლის სამართლის საქმე აღძრეს და ამდენივე ადმინისტრაციული დარღვევის პროტოკოლი შეადგინეს მოსკოვის საპატრიარქოს ადგილობრივი ფილიალის — უკრაინის მართლმადიდებლური ეკლესიის წარმომადგენლებზე აღდგომისას კარანტინის წესების დარღვევის გამო. ინფორმაციას ამის შესახებ „უნიანი“ ავრცელებს.

გამოცემის ცნობით, შესაბამისი ინფორმაცია უკრაინის შინაგან საქმეთა მინისტრის — არსენ ავაკოვის მრჩეველმა, ზორიან შკირიაკმა გაავრცელა.

„აღდგომა. უკრაინის ეროვნულმა პოლიციამ ხუთი სისხლის სამართლის საქმე აღძრა და 5 ადმინისტრაციული პროტოკოლი შეადგინა —  უკრაინაში არსებული რუსეთის მართლმადიდებელი ეკლესიების წინააღმდეგ“, — წერს იგი.

სისხლის სამართლის საქმეები, „უნიანის“ ინფორმაციით, აღიძრა სვიატოგორსკის, სვიატო-უსპენსკის და პოჩაევსკის სვიატო-პოჩაევსკის ლავრებში.


აქამდე უკრაინაში, კიევის სასულიერო აკადემიაში 19 პირს კორონავირუსი დაუდგინდა. კარანტინშია ჩაკეტილი კიევ-პეჩერის ლავრა, რომელშიც თითქმის 100 ინფიცირებულის შესახებაა ცნობილი.

20 აპრილისთვის, ჯონ ჰოპკინსის უნივერსიტეტის მონაცემებით, უკრაინაში კორონავირუსით დაავადების 5,710 შემთხვევა დაფიქსირდა. აქედან გარდაიცვალა 151, ხოლო 359 გამოჯანმრთელდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com