ნეტგაზეთი | კორონავირუსი: ქვეყანაში უცხოეთიდან ჯამში საქართველოს 6747 მოქალაქე დაბრუნდა კორონავირუსი: ქვეყანაში უცხოეთიდან ჯამში საქართველოს 6747 მოქალაქე დაბრუნდა – Netgazeti
RU | GE  

კორონავირუსი: ქვეყანაში უცხოეთიდან ჯამში საქართველოს 6747 მოქალაქე დაბრუნდა

საგარეო საქმეთა სამინისტროს თქმით, 19 აპრილის მონაცემების თანახმად, საქართველოს დიპლომატიურმა წარმომადგენლობებმა Covid 19-ის გავრცელების პირობებში, ადგილზე დახმარება აღმოუჩინეს 8410 მოქალაქეს, ხოლო სამშობლოში ორგანიზებულად დაბრუნდა 6747 მოქალაქე.

„საქართველოს მოქალაქეების სამშობლოში ეტაპობრივი დაბრუნების ფარგლებში გუშინ შესრულდა თელ-ავივი-თბილისის რეისი, რომლითაც საქართველოში ჩამოვიდა 151 მოქალაქე,“ – ნათქვამია უწყების განცხადებაში.

საგარეო საქმეთა სამინისტრო ამბობს, რომ მოქალაქეების სამშობლოში ეტაპობრივი დაბრუნების ეფექტიანი ორგანიზების და მათი ადგილზე დახმარების მიზნით, მოქალაქემ უნდა შეავსოს ელექტრონული ფორმით სპეციალური განაცხადი, რომელიც გამოქვეყნებულია სამინისტროს ვებ-გვერდსა და საქართველოს დიპლომატიური წარმომადგენლობების ვებ-გვერდებზე.

აღნიშნულ განაცხადში მოცემული მონაცემების დამუშავების შემდგომ მიღებული იქნება შესაბამისი გადაწყვეტილება.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან