დაბა წყნეთის ყოვლადწმინდა ღვთისმშობლის მიძინების სახელობის ტაძარი ჩაიკეტა.
ტაძრის შიდა ტერიტორიაზე 7 ადამიანია დარჩენილი, რომელთაც ტერიტორიის დატოვება ეკრძალებათ.
ასევე აკრძალულია ტაძრის ტერიტორიაზე სხვა პირების შესვლა.
ტაძრის წინამძღვრის, იოანე ოქროპირიძის თქმით, ტაძრის ჩკეტვის მიზეზი ერთ-ერთი ადამიანის სტუმრობა გახდა, რომელსაც გუშინ კორონავირუსი დაუდგინდა:
“ეს ქალბატონი ტაძარს ხარებაზე სტუმრობდა და აღსარება ჩამაბარა, მას შემდეგ აქ არ ყოფილა. გუშინ გაირკვა, რომ მას კორონავირუსი დაუდგინდ და ჩვენი ტაძარი ჩაკეტეს”, – უთხრა ნეტგაზეთს იოანე ოქროპირიძემ.
მისი განმარტებით, ტაძარში დარჩენილებს მრევლი სურსათითა და სხვა საჭირო ნივთებით ამარაგებს. ტაძრის წინამძღვრის თქმით, მას და დანარჩენ 6 ადამიანს ტაძარში დარჩენა 14 დღის განმავლობაში მოუწევთ. ტაძარში ჩატარდა დეზინფექციაც.
