ბზობის დღესასწაულზე უკრაინის ეკლესიებში არსებულ ხალხმრავლობის ფაქტებს სამართალდამცველები სწავლობენ.
როგორც ქვეყნის შინაგან საქმეთა მინისტრი ტვიტერზე წერს, 3 შემთხვევაში სასულიერო პირები ადმინისტრაციული წესით უკვე დააჯარიმეს, დამატებით 12 შემთხვევაზე კი მიმდინარეობს შესწავლა.
„უპასუხისმგებლობას და ადამიანის ჯანმრთელობის უპატივცემულობას ღმერთთან არანაირი კავშირი არ აქვს“, – განაცხადა არსენ ავაკოვმა.
О вчерашнем скоплении людей в ряде церквей. Безответственность и неуважение к человеческому здоровью не имеет к Богу никакого отношения!
Церковникам в 3-х случаях полицией вынесены админ штрафы. Еще по 12-ти – материалы изучаются. У нас свобода совести, но .. имейте же совесть!— Arsen Avakov (@AvakovArsen) April 13, 2020
უკრაინული გამოცემა Unian-ის ინფორმაციით, საქმე ეხება რამდენიმე ქალაქში, მათ შორის ჟიტომირში, გამართულ ბზობის დღესასწაულს: რუსული მართლმადიდებელი ეკლესიის რამდენიმე ტაძარში ბზობას ბევრი ადამიანი მივიდა.
უკრაინაში, ისევე, როგორც საქართველოში, კორონავირუსის გავრცელებასთან ერთად ბევრი შეზღუდვა დაწესდა, გამოცხადდა საგანგებო მდგომარეობაც. სხვა ზომებთან ერთად, იკრძალება 2-ზე მეტი ადამიანის ერთდროულად გადაადგილება ან შეკრება.
უკრაინაში კორონავირუსის 3102 შემთხვევა დადასტურდა, აქედან გარდაიცვალა 93, 97 კი გამოჯანმრთელდა.