საქართველოს ფეხბურთის ეროვნული ნაკრების ერთ-ერთი ლიდერი გურამ კაშია აშშ-ის საფეხბურთო ლიგის (MLS) ყველაზე აქტიურ ცენტრალური მცველად დასახელდა. შესაბამისი ინფორმაცია ლიგის ვებ-გვერდზეა გამოქვეყნებული.

სტატისტიკაში გათვალისწინებულია ცენტრალური მცველების მიერ შეტევების მოგერიება, ჩაჭრა, ბურთის ართმევა და დარყტყმის დაბლოკვა. სტატისტიკაში მოსახვედრად ფეხბურთელს 2019 წლის სეზონის დასაწყისიდან მოედანზე მინიმუმ 2000 წუთი უნდა გაეტარებინა.

ილუსტრაცია: MLS

კაშია ამჟამად კლუბ San Jose Earthquakes-ში ასპარეზობს, 37-ე ნომრით. იქამდე, 2010-18 წლებში იგი ჰოლანდიური „ვიტესის“ ღირსებას იცავდა, 2006-10 წლებში კი თბილისის დინამოში თამაშობდა.