სომხეთში ერთ დღეში 92-ით გაიზარდა Covid-19-ით ინფიცირებულთა რაოდენობა და 2 აპრილის დილის 12 საათის მონაცემებით, ქვეყანაში 663 შემთხვევაა დადასტურებული.

მათგან 33 ადამიანი გამოჯანმრთელდა, 4 გარდაიცვალა, მკურნალობას კი დანარჩენი 626 აგრძელებს.

ქვეყანაში კორონავირუსით ინფიცირების პირველი შემთხვევა 29 თებერვალს გამოავლინეს. დადასტურებულ შემთხვევათა რიცხვმა მალევე დაიწყო ყოველდღიურად რამდენიმე ათეულით ზრდა.

დაინფიცირებულთა შორის დაავადებათა კონტროლის ეროვნული ცენტრის თანამშრომლებიც არიან.