ამერიკელი ექიმების განცხადებით, ყნოსვისა და გემოს შეგრძნების დაკარგვა კორონავირუსულ დაავადებაზე — COVID-19-ზე ტესტირების მიზეზებში უნდა ჩაამატონ. ინფორმაციას ამის შესახებ CNN ავრცელებს.

როგორც გამოცემა იუწყება, აშშ-ის ოტორინოლარინგოლოგიის აკადემიის განცხადებით, ყნოსვისა და გემოს შეგრძნების დაკარგვა უნდა შეიყვანონ იმ სიმპტომთა სიაში, რომლებიც COVID-19-ის დაავადების დროს შეიძლება გამოვლინდეს.

„ანოსმია (ყნოსვის შეგრძნების დაკარგვა) უფიქსირდებოდათ პაციენტებს, რომლებიც საბოლოო ჯამში აღმოჩდნენ კორონავირუსით დაავადებული, მაგრამ არ ჰქონდათ სხვა სიმტპომები“, — ნათქვამია აკადემიის განცხადებაში.

„ეს სიმპტომები იწვევს სერიოზულ განხილვას ამ ადამიანების თვითიზოლაციასთან და [კორონავირუსზე] ტესტირებასთან დაკავშირებით“, — აღნიშნავენ აკადემიაში.

აშშ-ის ოტორინოლარინგოლოგიის აკადემიის გარდა, მსგავსი განცხადება ერთი დღით ადრე გააკეთა ENT UK-მ — გაერთიანებული სამეფოს ყურის, ცხვირისა და ყელის ქირურიგების გაერთიანებამ.

მსოფლიოში კორონავირუსის 354,677 დადასტურებულ შემთხვევის შესახებაა ცნობილი. აქედან გარდაიცვალა 15,436, გამოჯანმრთელდა 100,462.

საქართველოში ცნობილია 61 დადასტურებულ შემთხვევაზე, გამოჯანმრთელდა 8 პაციენტი.