CNN–ის ინფორმაციით, დაკავებულთაგან ერთი, წარმოშობით ლიბანელი ბულგარეთის მოქალაქე სატვირთოს მფლობელია, ხოლო 2 მათგანი – მძღოლი.

ავსტრიის პოლიციამ 27 აგვისტოს ავტომაგისტრალზე გაჩერებულ სატვირთო მანქანაში 71 ცხედარი აღმოაჩინა. მათ შორის, იყო 59 მამაკაცი, 8 ქალი და 4 ბავშვი. როგორც BBC წერს, ისინი 2 დღის გარდაცვლილები არიან.

პოლიცია აცხადებს, რომ ისინი სავარაუდოდ სირიელი მიგრანტები არიან და სიკვდილის სავარაუდო მიზეზად გაგუდვას ასახენებენ.

3 ეჭვმიტანილი, რომლებიც სავარაუდოდ ბულგარელები არიან, უნგრეთში დააკავეს. სამართალდამცავების განცხადებით, სავარაუდოდ, სწორედ ისინი მართავდნენ სატვირთო ავტომობილს.

ასევე, ხელისუფლების განცხადებით, როდესაც სატვირთომ უნგრეთიდან ავსტრიის საზღვარი გადმოკვეთა, მიგრანტები უკვე გარდაცვლილები იყვნენ