როგორც საგანგებო სიტუაციების მართვის სააგენტოში ამბობენ, ხანძრის ლიკვიდირება დაახლოებით 03:44 საათზე მოხერხდა.
შშს-ს საგანგებო სიტუაციების მართვის სააგენტოს ინფორმაციით, გამოძახებიდან მალევე ადგილზე მობილიზებული იყო 24 სახანძრო, 3 სამაშველო მანქანა და 4 ავტოკიბე. სააგენტოს ცნობით, ხანძრის ლოკალიზებაზე დაახლოებით 120 მეხანძრე-მაშველი მუშაობდა.
საგანგებო სიტუაციების მართვის სააგენტოს ცნობით, ხანძრის შედეგად დამწვარი სამსართულიანი შენობა ფუნქციონირებდა და იქ სამშენებლო მასალები ინახებოდა.
შინაგან საქმეთა სამინისტროს ინფორმაციით, გამოძიება სსკ-ს 187-ე მუხლით მიმდინარეობს, რაც სხვისი ნივთის ცეცხლის წაკიდებით დაზიანებასა და განადგურებას გულისხმობს, რამაც მნიშვნელოვანი ზიანი გამოიწვია.
