დაავადებათა კონტროლის ცენტრის ხელმძღვანელი ამირან გამყრელიძე ამბობს, რომ მომდევნო 3-4 დღის განმავლობაში კორონავირუსისგან კიდევ რამდენიმე ადამიანი გამოჯანმრთელდება. ამის შესახებ მან საქართველოს მთავრობის ადმინისტრაციაში ჯანდაცვის სფეროს ექსპერტებთან გამართული შეხვედრის შემდეგ განაცხადა.
მისი თქმით, კორონავირუსით ინფიცირებული ადამიანის კლინიკიდან გაწერის სტანდარტი ამგვარია: 24 საათის განმავლობაში ტესტმა 2-ჯერ უნდა აჩვენოს, რომ მის ორგანიზმში ვირუსი აღარ ფიქსირდება.
ამჟამად საქართველოში კორონავირუსის გავრცელების სტატისტიკა ამგვარია:
- კორონავირუსის დადასტურებული შემთხვევა – 43
- მათ შორის გამოჯანმრთელებული – 1
- კარანტინის რეჟიმში – 1925
- სტაციონარში მეთვალყურეობის ქვეშ – 271
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
