გვაქვს ახალი სავარაუდო მე-4 შემთხვევა აჭარაში – ტიკარაძე

ჯანდაცვის მინისტრის, ეკატერინე ტიკარაძის თქმით, აჭარაში COVID 19-ის მე-4 სავარაუდო შემთხვევა გამოვლინდა.

„ასევე ჩვენ გვაქვს ახალი სავარაუდო მეოთხე შემთხვევა, რომელიც არის აჭარაში და დღის ბოლოს აჭარის ჯანდაცვის მინისტრი მოგახსენებთ ზუს ინფორმაციას ამ პაციენტის მდგომარეობასთან დაკავშირებით,“ – ამბობს ტიკარაძე.

მისივე თქმით, 43 შემთხვევიადნ ბოლო 3 შემთხვევა ახალ კლასტერს წარმოადგენს. კერძოდ კი ოჯახს, რომელმაც მანამდე აშშ-ში იმგზავრა.

20 მარტის ოფიციალური მონაცემებით საქართველოში კორონავირუსით ინფიცირების შემთხვევები 43-მდე გაიზარდა. აქედან გამოჯანმრთელებულია ერთი.

რაც შეეხება სხვა მონაცემებს, კარანტინის რეჟიმში ამ დროისთვის იმყოფება 1925 ადამიანი, სტაციონარში მეთვალყურეობის ქვეშ – 271.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან