ევროპაში მდებარე ლუდსახარშებმა და ალკოჰოლური სასმელების მწარმოებლებმა თავიანთი ქარხნების გამოყენება ხელის სანიტაიზერების წარმოებისთვის დაიწყეს. ეს ნაბიჯი კორონავირუსთან — COVID-19-სთან საბრძოლველად გადაიდგა. ინფორმაციას ამის შესახებ CNN ავრცელებს.
კომპანიებმა, BrewDog-მა, Leith Gin-მა, Verdant Spirits-მა და Pernod Ricard-მა ეს ნაბიჯი გადადგეს, რათა დაკმაყოფილდეს ხელის სანიტაიზერებზე მოთხოვნა, რომელიც ბოლო დროს გაიზარდა და ბაზარზე მისი ნაკლებობა შეიქმნა.
ამ ინფორმაციის გავრცელების შემდეგ ზოგმა კომპანიამ აშშ-ში მსგავსი ნაბიჯი გადადგა.
მსოფლიოში (ჩინეთის ჩათვლით) შემთხვევების რიცხვი 218 815-ია, გარდაცვალებები — თითქმის 9 000, გამოჯანმრთელების შემთხვევები — 80 000-ზე მეტი.
საქართველოში კორონავირუსი 40 ადამიანს დაუდასტურდა, საიდანაც ერთი განიკურნა.
გარეკანის ფოტო: EPA
![„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე](https://netgazeti.ge/wp-content/uploads/2024/03/Untitled-design-4-13.jpg "„ჩალის ფასიც არა, ჩალაძის ფასი აქვს [ევროპარლამენტის] რეზოლუციას“ — კობახიძე")
