პარლამენტში ინიცირებულია კანონპროექტი, რომელიც საქართველოს ადმინისტრაციულ სამართალდარღვევათა კოდექსში ცვლილების შეტანას ითვალისწინებს.
კანონპროექტით, რომლის დეტალებიც, პარლამენტის პრესსამსახურის წარმომადგენელმა გაავრცელა, კარანტინის წესის დარღვევა გამოიწვევს ფიზიკური პირის დაჯარიმებას 3 000 ლარის ოდენობით; იურიდიული პირის (მაგალითად, კომპანიის, რომელიც კარანტინში მყოფ თანამშრომელს სამსახურში მისვლას აიძულებს) დაჯარიმებას- 15 000 ლარის ოდენობით. ამ შემთხვევაში კარანტინი ნიშნავს თვითიზოლაციასაც.
თუ დაჯარიმებული პირი ხელმეორედ დაარღვევს კარანტინის წესს, უკვე სისხლის სამართლებრივი პასუხისმგებლობა შემოდის. შესაბამისი ცვლილება უკვე სსკ-ში შედის.
„მუხლი. 1321. კარანტინის წესის დარღვევა
კარანტინის წესის დარღვევა, ჩადენილი საქართველოს ადმინისტრაციულ სამართალდარღვევათა კოდექსის 17715-ე მუხლით გათვალისწინებული ადმინისტრაციული სამართალდარღვევის ჩადენისათვის ადმინისტრაციულსახდელშეფარდებული ან ამ დანაშაულისათვის ნასამართლევი პირის მიერ, –
ისჯება შინაპატიმრობით ვადით ექვსი თვიდან ერთ წლამდე ,ან თავისუფლების აღკვეთით ვადით ერთ წლამდე.
შენიშვნა: ამ მუხლით გათვალისწინებული ქმედებისათვის იურიდიული პირი ისჯება ჯარიმით, საქმიანობის უფლების ჩამორთმევით ან ლიკვიდაციით და ჯარიმით”, – ნათქვამია კანონპროექტში.
პროექტი განიხილება დაჩქარებული წესით.