ახალი ამბები

საქართველოს ბანკი მომხმარებლებს სესხების 3 თვით გადავადებას სთავაზობს

13 მარტი, 2020 • 2907
საქართველოს ბანკი მომხმარებლებს სესხების 3 თვით გადავადებას სთავაზობს

კორონავირუსის გავრცელების რისკებთან დაკავშირებით შექმნილი მდგომარეობიდან გამომდინარე, საქართველოს ბანკი მომხმარებლებს სესხების 3 თვით გადავადებას სთავაზობს:

“ახალი კორონავირუსის გავრცელების პრევენციისთვის თავშეყრის ადგილებში ხალხის ნაკადის შემცირების მიზნით საქართველოს ბანკის მომხმარებელ ფიზიკურ პირებს სასესხო ვალდებულებებზე სამთვიან საშეღავათო პერიოდს სთავაზობს. დღეიდან, სამი თვის განმავლობაში ის მომხმარებლები, რომლებსაც სესხის მომსახურების გადახდა უწევდათ, შეძლებენ მაისის ჩათვლით გადაავადონ ყოველთვიური გადასახადი.

ბანკი მომავალი კვირიდან დაიწყეს შესაბამისი პროცედურების გატარებას და ეტაპობრივად მოხდება მომხმარებლის ინფორმირება, რისთვისაც არ არის საჭირო ბანკში ვიზიტი. თუკი მომხარებელს სურს ჩვეულ რეჟიმში გააგრძელოს სესხის მომსახურება, ბანკის მხრიდან მასთან განხორციელებული კომუნიკაციის შემდეგ ის უნდა დაუკავშირდეს ბანკირს, ან დარეკოს ბანკის ცხელ ხაზზე: 2 444 444” – აცხადებენ საქართველოს ბანკში.

მასალების გადაბეჭდვის წესი