ნეტგაზეთი | ვმუშაობთ მათ ორგანიზებულად ჩამოყვანაზე – თურნავა იტალიაში მყოფ მოქალაქეებზე ვმუშაობთ მათ ორგანიზებულად ჩამოყვანაზე – თურნავა იტალიაში მყოფ მოქალაქეებზე – Netgazeti

ვმუშაობთ მათ ორგანიზებულად ჩამოყვანაზე – თურნავა იტალიაში მყოფ მოქალაქეებზე

ეკონომიკისა და მდგრადი განვითარების მინისტრი ნათია თურნავა აცხადებს, რომ იტალიასთან ფრენების დროებით შეჩერების შემდეგ, საქართველოს მთავრობა მუშაობს იტალიიდან საქართველოს მოქალაქეების ორგანიზებულად ჩამოყვანაზე.

„მინდა დავამშვიდო ჩვენი მოქალაქეები, ვინც იტალიიდან საქართველოს მიმართულები გამომგზავრებას აპირებდა. ჩვენ უკვე ვმუშობთ რომ ორგანიზებულად მოხდეს მათი ჩამოყვანა“, – განაცხადა მან.

თურნავას თქმით, ამ პროცესთან დაკავშირებულ ხარჯებს სახელმწიფო გაიღებს. „ტექნიკური დეტალები ჩვენი საელჩოს მეშვეობით მოგვიანებით გახდება ცნობილი“, – განუცხადა თურნავამ ჟურნალისტებს.

მთავრობა უფასოდ საქართველოს იმ მოქალქეებს ჩამოიყავნს, რომლებსაც უკვე ნაყიდი აქვთ ბილეთი ან უახლოესი ორი კვირის მანძილზე დაჯავშნილი ჰქონდათ რაინეარის ან ვიზეარის რეისი.

ფრენების დროეიბთ შეჩერების შესახებ გადაწყვეტილება მთავრობამ ცოტა ხნის წინ მიიღო. ჯერჯერობით უცნობია, თუ როდემდე იმოქმედებს შეზღუდვა. ეკონომიკის მინისტრის თქმით, იტალიასთან პირდაპირი ფრენების შეჩერება ეკონომიკური თვალსაზრისით მძიმე გადაწყვეტილება იყო.

„იმედი გვაქვს რომ ზაფხულის დადგომასთან ერთად კორონავირუსის გამოწვევა შემცირდება“, — განაცხადა ნათია თურნავამ.

ახალ შეზღუდვებზე გირჩევთ წაიკითხოთ:

6 მარტიდან იტალიიდან ჩამოსულ ყველა მგზავრს სავალდებულო კარანტინში გადაიყვანენ

უცნობია, როდემდე იქნება იტალიასთან ფრენები შეჩერებული – თურნავა

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com