როგორც ავიაკომპანია Ryanair აცხადებს, საქართველოსთან დროებით ფრენების რაოდენობას ამცირებს, ნაწილს კი აუქმებს.
“კორონავირუს COVID-19-ის გავლენისა და საქართველოს აეროპორტების თხოვნით, ჩვენ ვწყვეტთ ფრენების ნაწილს იტალიიდან საქართველოს მიმართულებით. ყველა მომხმარებელს, რომელსაც აღნიშნული შეეხება, ვაცნობეთ, რომ შეუძლიათ მგზავრობის თარიღის შეცვლა ან თანხის დაბრუნდება.
- მილანიდან თბილისის მიმართულებით, 8 მარტიდან 7 აპრილამდე, ფრენები შემცირდება კვირაში 2 სიხშირემდე;
- ბოლონია ქუთაისის რეისი კი შეწყდება 8 მარტიდან 7 აპრილამდე”, – ნათქვამია კომპანიის ოფიციალურ ვებსაიტზე.
Ryanair-მა იტალიიდან ფრენები შეაჩერა ჩეხეთის, ისრაელის, მონტენეგროსა და იორდანიის მიმართულებითაც.
5 მარტის მონაცემებით, იტალია ევროპაში კორონავირუსის გავრცელების ძირითადი წყაროა, სადაც ოფიციალურად 3 ათასზე მეტი შემთხვევა დაფიქსირდა. საქართველოში დაფიქსირებულია 9 შემთხვევა, საიდანაც 7 პირდაპირ უკავშირდება იტალიაში მოგზაურობას.
მთავარი რეკომენდაციები, რასაც დაავადებათა კონტროლის ეროვნული ცენტრი გასცემს, არის:
- დაიცავით პირადი და საზოგადოებრივი ჰიგიენა, ხშირად დაიბანეთ ხელები;
- გადაუდებელი აუცილებლობის გარეშე მოერიდეთ მოგზაურობას;
- იტალიიდან, ირანიდან, ჩინეთიდან, სამხრეთ კორეიდან და იაპონიიდან ჩამოსვლის შემთხვევაში, აუცილებლად მიმართეთ თვითიზოლაციას საკუთარ სახლში, თუ ამის საშუალება არ არსებობს, იმ შემთხვევაში კარანტინში უნდა მოთავსდეთ;
