ნეტგაზეთი | ირანის უზენაესი ლიდერის მრჩეველი კორონავირუსით გარდაიცვალა ირანის უზენაესი ლიდერის მრჩეველი კორონავირუსით გარდაიცვალა – Netgazeti

ირანის უზენაესი ლიდერის მრჩეველი კორონავირუსით გარდაიცვალა

ირანის უზენაესი ლიდერის, აიათოლა ალი ხამენეის მრჩეველთა საბჭოს წევრი ორშაბათს კორონავირუსით დაავადების გამო გარდაიცვალა. ინფორმაციას ამის შესახებ ირანის სახელმწიფო რადიოზე დაყრდნობით გამოცემა TIME ავრცელებს.

გამოცემის ცნობით, მრჩეველთა საბჭოს წევრი, 71 წლის მოჰამად მირმოჰამადი თეირანის საავადმყოფოში გარდაიცვალა.

მის გარდა, კორონავირუსით ქვეყნის ხელისუფლების წევრებიდან დაავადებულები არიან ირანის ვიცე-პრეზიდენტი, ჯანდაცვის მინისტრის მოადგილე და პარლამენტის წევრები.

ირანში ამჟამად კორონავირუსით დაავადების 978 შემთხვევაზე და 54 გარდაცვალებაზე საუბრობენ. ჩინეთის შემდეგ ირანში სიკვდილიანობის ყველაზე მაღალი მაჩვენებელია – 5 პროცენტზე მეტი.

ნეტგაზეთის მასალების სხვა გამოცემებში გადაბეჭდვის წესი
ავტორი
ნიკა ბურდული – ნეტგაზეთის რეპორტიორი 2019 წლის დეკემბრიდან. E-mail: burrrduli@gmail.com / მობ.: +995 597 14 88 31