ახალი ამბები

“პირად კონტროლზე მყავს აყვანილი” – ტიკარაძე კორონავირუსის პრევენციის ღონისძიებებზე

26 თებერვალი, 2020 • 1543
“პირად კონტროლზე მყავს აყვანილი” – ტიკარაძე კორონავირუსის პრევენციის ღონისძიებებზე

ჯანდაცვის მინისტრის, ეკატერინე ტიკარაძის თქმით, პირად კონტროლზე ჰყავს აყვანილი საქართველოში მიმდინარე სიტუაცია კორონავირუსთან დაკავშირებით, მათ შორის იგულისხმება კარანტინში მყოფ ადამიანებზე დაკვირვება და ლუგარის ლაბორატორიაში მიმდინარე პროცესები. ამის შესახებ ჯანდაცვის მინიტრმა ჟურნალისტებთან საუბრისას განაცხადა:

“ამ ეტაპისთვის ახალ სუბიექტებზე საფრთხე გამოვლენილი არ არის, თუმცა მიმდინარეობს დაკვირვების პროცესი, ლუგარის ლაბორატორია ყოველდღიურ რეჟიმში აკეთებს განცხადებას მიმდინარე მოვლენებთან მიმართებაში. მე მყავს პირად კონტროლზე აყვანილი ეს პროცესი. ჩვენ ვმუშაობთ ყველა უწყება ერთობლივად, საგარაეო საქმეთა სამინისტროც აქტიურად არის ჩართული, ასევე, სასაზღვრო პოლიციაც, და გვაქვს აბსოლუტური ინფორმაცია შემომავალ მგზავრებზეც და იმ მგაზვრებზეც, რომლებიც იმყოფებიან ამ ეტაპზე დაკვირვების პროცესში”, – განმარტა ჯანდაცვის მინიტრმა.

მისი თქმით, ასევე მომატებულია საქართველოში კორონავირუსის გავრცელების საფრთხეც, თუმცა ქვეყანას ყველა ღონისძიება აქვს გატარებული, რაც საფრთხის გავრცელების რისკს მნიშვნელოვნად ამცირებს.

მასალების გადაბეჭდვის წესი