ნეტგაზეთი | ზახაროვას შემდეგ ქართველ ჟურნალისტებს პუშკოვიც აკრიტიკებს ზახაროვას შემდეგ ქართველ ჟურნალისტებს პუშკოვიც აკრიტიკებს – Netgazeti
RU | GE  

ზახაროვას შემდეგ ქართველ ჟურნალისტებს პუშკოვიც აკრიტიკებს

რუსეთის პარლამენტის ზედა პალატის, ფედერაციის საბჭოს წევრი ალექსეი პუშკოვი რუსეთის საგარეო საქმეთა მინისტრ სერგეი ლავროვსა და ქართველ ჟურნალისტებს შორის გუშინდელ ინციდენტს Twitter-ზე ეხმაურება.

“ქართველი ჟურნალისტები, რბილად რომ ვთქვათ, სრულიად ეგზალტირებული ქალბატონები… არაერთხელ გამომცდია მათი შეტევა საკუთარ თავზე – მოსკოვშიც და სტრასბურგშიც, ევროპის საბჭოში. ისინი ნიმუშად იღებენ აგრესიულ-ისტერიკული ჟურნალისტიკის ყველაზე ცუდ მაგალითებს. მათ ჰგონიათ, რომ პასუხი ძირფესვიანად უნდა ამოგლიჯონ”, – წერს პუშკოვი.

25 თებერვალს ჟენევაში ქართველი ჟურნალისტები რუსეთის საგარეო საქმეთა მინისტრ სერგეი ლავროვისთვის კითხვების დასმას ცდილობდნენ, როცა ლავროვმა მათ ავადმყოფები უწოდა.

მომხდარს გამოეხმაურა რუსეთის საგარეო საქმეთა მინისტრის სპიკერი, მარია ზახაროვაც, რომელმაც სოციალურ ქსელში ფოტოები გამოაქვეყნა და დაწერა, რომ მან ქართველი ჟურნალისტების მხრიდან კითხვის დასმის მომენტში ფიზიკური დაზიანებები მიიღო.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.