ნეტგაზეთი | ოპოზიციაში არ ვარ ერთადერთი, ვინც „ოცნებას“ შეხვდა — იაგო ხვიჩია ოპოზიციაში არ ვარ ერთადერთი, ვინც „ოცნებას“ შეხვდა — იაგო ხვიჩია – Netgazeti

ოპოზიციაში არ ვარ ერთადერთი, ვინც „ოცნებას“ შეხვდა — იაგო ხვიჩია

არასაპარლამენტო პარტია „გირჩის“ ერთ-ერთი ლიდერი იაგო ხვიჩია აცხადებს, რომ არ არის ერთადერთი პოლიტიკოსი ოპოზიციური სპექტრიდან, ვინც მმართველი გუნდის წარმომადგენლებს ცალკე შეხვდა.

იაგო ხვიჩიამ რამდენიმე საათით ადრე დაადასტურა პარლამენტის თავმჯდომარე არჩილ თალაკვაძესთან შეხვედრა და თქვა, რომ თალაკვაძე მას „დაძაბული პოლიტიკური ვითარებიდან გამოსავლის თაობაზე“ სასაუბროდ შეხვდა და მისი მოსაზრებები მოისმინა.

19 თებერვალს „პალიტრანიუსის“ ეთერში ჟურნალისტმა იაგო ხვიჩიას დამატებითი კითხვები დაუსვა ამ საკითხზე, რომლებზე პასუხადაც გირჩის ლიდერმა თქვა:

„მე არ ვარ ერთადერთი, ვინც [ხელისუფლების წარმომადგენლებს] შეხვდა“. ხვიჩიას არ დაუზუსტებია, კონკრეტულად ვინ ვის შეხვდა, და განაცხადა, რომ „თვითონ იტყვიან, თუ მოუნდებათ“.

მან ასევე განაცხადა, რომ „არასწორად არის გაგებული შეხვედრის შინაარსი. ამ შეხვედრაზე არ ვყოფილვარ რაიმე პირობის სათქმელად, რომ რაიმე ასე მოხდება“.

ხვიჩიას თქმითვე, ის არ შეხვედრია თალაკვაძეს, როგორც გაერთიანებული ოპოზიციის წარმომადგენელი.

არ მომეწონა ეს ამბავი – ელისაშვილი ხვიჩია-თალაკვაძის შეხვედრაზე

ხვიჩია თალაკვაძესთან შეხვედრაზე: ვისაუბრეთ, როგორ შეიძლება პოლიტიკური ტემპერატურის დაწევა

რა პოზიცია აქვთ ოპოზიციაში კალაძის შეთავაზებაზე

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com