ახალი ამბები

ახალქალაქში ქორწილის დროს 3 ახალგაზრდა დაჭრეს

7 თებერვალი, 2020 • 1604
ახალქალაქში ქორწილის დროს 3 ახალგაზრდა დაჭრეს

ახალქალაქში, სოფელ კუმურდოში ქორწილის დროს 3 ახალგაზრდა დაჭრეს. შემთხვევის შესახებ ინფორმაცია პირველად Jnews-მა გაავრცელა.

როგორც გამოცემა წერს, გუშინ ღამით სოფელ კუმურდოს მცხოვრებლებმა ქორწილის მიმდინარეობისას იჩხუბეს. დაპირისპირების დროს კი 21, 23 და 26 წლის ახალგაზრდები დაჭრეს.

ახალგაზრდები ახალქალაქის საავადმყოფოში გადაიყვანეს, სადაც რამდენიმე ოპერაცია ჩაუტარდათ, თუმცა, ქირურგთა გადაწყვეტილებით, ორი დაშავებული შემდგომ თბილისში გადაიყვანეს. მათ ჭრილობები გულისა და მუცლის ღრუს არეში აღენიშნებოდათ.

„მთავართან“ ექიმი ამბობს, რომ დაჭრილთა მდგომარეობა მძიმეა.

რაც შეეხება შსს-ს, ნეტგაზეთს უწყებაში ეუბნებიან, რომ გამოძიება ორი ან მეტი პირის დამამძიმებელ გარემოებაში განზრახ მკვლელობის მცდელობის მუხლით მიმდინარეობს.

მასალების გადაბეჭდვის წესი